Godigo Sęba Tagala Palai Bidigo Po 1:20-25

²⁰Te Pitago po ma wai, “Te lotu tęąbi buku asęani bidigo te bukude te po wai, ‘Aga be olo elalumainao, tede bidi me bidamuo.’ E po me te bukude asęani, ‘Me bidigo aga sę sao,’ te po wali,” Pitago te po wali, Judasde.

²¹Te Pitago po ma wai, “Te bukude asęani po elalubaso, bidi me deli daba wadolama, da dali hodobo bidimainao. Te bidigo te we bidi dabebolo te po waibao, ‘Te Genuai Bidi Jisas isilama, ma hodaluali, ma bidibao,’ te po waibao. Tama polobadu Jongo we bidi baptais mabo sogode da dali hodobo bilai bidi me dąį ilinao. Te tama aselama, Jisas dagaluba peyu dąį yali. Te Jisas dali da hodobo biliyu bilali bidi, te bidi dago dąį ilaibao, te Judas hasegelainu, te Judasgo polobadu yali sę tiwai yaibao,” te po wai.

²³Te po obaso, te Jisasde homu dąų wabo we bidi augwaligo bidi sigo nogi muai. Me bidi nogi Josep, agai nogi me si elaluali, me nogi Barsabas, me nogi Jastus. Tama gasa me bidigo nogi Matias.

²⁴Tama augwaligo Jisasbolo te gedu haluasa po wai, “Genuai Bidi, nago tigidali bidi dabego homu kolesaga konebo dao. Tama tibaso, Genuai Bidi, te bidi si me deli nago dabolo dąį ilama,

²⁵da ola mao, te Judasgo yali sę somainu, nago tagala pali bidigo sę. Te sę Judasgo tagalama, aga digi dwai sę yali. Tialigo da, aga genuai sęgę mu salio,” te po wai.