Im̃auano Nalo 26:10-18

¹⁰Naruei ea vio Yerusalemo, nojom̃a nemila vite telabo jibe na. Tomu na tortoru nalo na kulo lu nalo amijamo kanio ban kiniou, ana nabano nemila telabo ka namoneano lu nalo nei aban ea nalakoiano, ana bogo napano ajiburelo ka monoka am̃aro, kiniou nojo joomo eaio.

¹¹A kiniou nojom̃a najanea yimo nalo na volkouano, bogo nonovio ga nojom̃a nemila kikilo, a nojoma nomila vonvonlo, nojom̃a nomila vonvonlo ka aiolua Yesu siano. Mia nojom̃a nemila jibe na banbano-o napano nebitunu m̃ele, naruei nemijil dedade ealo abeve terakurano janea buruvenuo dolu nalo, karina, kiniou naban kalo bereio ea komeli nalo napano aba ajualo.”

¹²Naruei Pol naio jom̃a jukunu ban kia, berinavo “Ana bogo tai, kiniou nabatove Tamaskas ka nala tibe na van nalo napano ajua vio na. Tomu na tortoru nalo na kulo lu nalo, nalo amiila kiniou nabatove, a amidu m̃esi tai ban kiniou ka mia nemijikia nala tibe na.

¹³Naruei kumemi numitu numiel nubatove, ka m̃erenio jo memedu, nemial burum̃ara yulu tai merera ea vio mave, napano merera jovulu m̃erenio, naruei yulu nei mijegili memedu vio napano kumemi numituaio.

¹⁴Naruei miamoiano nei naio toru jibe na naruei, mila ana kumemi numitibirbili ea borotano, ana iorou kanio nomijog joono tai, mil ban kiniou jel iliano re Ipru ga, berinavo ‘!Sol o, Sol o! ?Bior vaio ana jau kojom̃a komila kiki kiniou jibe ka napano kojom̃a komila na? Jau kojom̃a jaamo je bereio kiniou jibe na, mia milaio ana jaamo mijalele laka.’

¹⁵“Naruei kiniou nebika denio, neberinavo ‘?Ana Tubo, jau kobe kei?’ “Naruei Tubo mil ban kiniou berenio, berinavo ‘Yesu napano jau kojom̃a komila bova kanio, ninei be kiniou nene naruei.

¹⁶Mia jau kotumolu bereio bior ka napano mia jau koim̃au kanaku. Kiniou nemiyotuba kaso jibe na bior vite na naruei. Banei kovitilubar kiniou ka mia kover kiniou kei, a iorou, mia keial kiniou notom̃a noyotuba kaso ea vite ve telabo ea legiano nalo na ju binimei kia iorou. Vite nalo napano nejiloglog kaso banei nei, naio naruei mia jau kava koverialio van tomu nalo.

¹⁷Mia jau kava koverialio ka kulo Ju, a ka nalo dolu napano maka ave kulo Ju, ana mia keial ka nalo na, mia ala rivova kaso, mia niukniuku rivieso re, kiniou noyotuba kaso ea bogo nalo na jibe na, nalarurso. “ ‘Nina naruei, kiniou nemiilaso ka kavan ealo,

¹⁸ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”