Acts 26:10-18

¹⁰Ba kona wosena Jerusalem kamonai a wosei. Priest kaikaiwabosi asi maragata tepanai Keresiyana pesarisi, ku patuma yovena a terisi, ba yauku yebo bikasibunuwanisi kairavina wai ai damanina.

¹¹Mara pesarisi Jew biyisi asi dugu yovesi yai saroba a berisi, ba a kaotupenisi asi bitumagana siti sinikikiyei, a biyagisi saki kurisi wai yebo, a nenae dobu tumanai a bobisipuvisi.

¹²Niko wose kairavina priest kaikaiwabosi maragata, si beriku ba si poraiku ku Damascus.

¹³Ba kao basunai, au Taupauma, keta dobonai wai yasegana sapamai a kitai. Ba niko yasegana wai kao i getawani, ba yaseganina wai au pipiya yabata i subibirikai.

¹⁴Ba ereonowakai ka peku ku tano ba gamo a nonori, Hebrew asi gamo ai kuriku i wona, ‘Saul, Saul, awaika kairavina ke bobisipuwiku? Yauku ke bobisipuwiku wai ikesim ke kasikasibigoyona meyim.’

¹⁵Damanina ba ai toiruba, a wona, ‘Kom kotoi Bada?’ Ba i kaobeya, ‘Yauku wai Iesu, kom ke bobisipuwiku.

¹⁶Karaku ke bomsiri, kaemi ai ke msiri. A rerematara kurim kata ani taunim au saibisaibirina, ba karaku awaika ku kinani wai, ba muri yai awaika ani beyim wai, kuni mamatarei.

¹⁷Am pipiya damana ba Gentile biyisi karisi yai ana bopaparim. Ba kurisi ani poraim.

¹⁸Kata kom matasi kuna botatara wai, baidibarai sina veramaga ku yasegana, ba Satan ana maragatai kuna tainisi God kurina. Kata asi bitumagana kariku ai piragagoyo notataveyana sina yauni, ba asi gawara God ana pipiya binebinesi kamosi yai sina yauni.’