Iba Gana 55:18-22

¹⁸Waitigi dewaoreme i̱la wai bialu haga karu helowa ibunime i̱ bayale mo wialu haru dai bigi bulebira.

¹⁹Tigua ibuhondo gi nahaga howa ko biyarunaga mini beregedolene manga haga ka. Ngode Datagaliwabe ibu kini henego áyubi haabo kagoni howa ibugua i̱naga bi lamerogo hale halu waitigi karu bope hai howa wayali holebira.

²⁰I̱naga nenege ala henego ogoni ibugua ibuninaga nenege bu karu baba wai bialu haya. Ibu baba buleore lalu bi abale lo wiyaru mo habolaya.

²¹Ibunaga ne harigaha bi bayale dendebi lalu miniha i̱la waitigi haya. Ibunaga bime i̱ miniha dungulo helaga biyagoyu bi ogoni ayu tibu ne gadeleore ale howa bo podaga nga.

²²Í̠ genda yu keruni bibahende Anduane Homogo ibunaga giha mo yaholene nga. Ibugua í̠naga genda uruni mo yalu í̠ mo hongo holebira. Anduane Homogo ibugua agali ko bu karume mana tigabi biaga karu bibahende mo ko helo yupe naholebira.