Iba Gana 124:5-8

⁵Iba li hongoheore ibiyagome ina bibahende mbelelo yalu pialu yu ereba kagola homai kamale ndobe. Homabehego nahome yopene harimago kamagoni, lalu ladai bilimu.

⁶Inanaga waitigi bu hearume ina bibahende bo mburi laihe nale Anduane Homogo ibunime ina bibahende hatali wu haabo hayagonaga iname ibuhondo ka̱i̱ laaboore hami̱ya.

⁷Agalime ega gono wedaria ega mbira gono dagoha da puda halu kundulo mialu ibida porayadagua ina pirimagoni kamagoni. Ina gono wearuha do ngamalego Anduane Homogo ibugua gono kundulupe helaga biyagome ina yo pialu pene kamagoni.

⁸Anduane Homogo ibugua hari daligabi dindi timbuni o kamagobi wabinigo ibunime dege ina biamogo biaga kagoni.