1Saulo benëꞌ tsazxö́n bönniꞌ niꞌ guludöddëꞌ Esteban. Laꞌ niꞌz gluaꞌquëꞌ Esteban bönniꞌ taꞌyíj ládxiꞌquëꞌ Dios, atiꞌ yajcáchiꞌquëꞌ lëꞌ. Szxöni gulabödxëꞌ queëꞌ. Dza naꞌ szxöni gulabía ládxiꞌquëꞌ bunách queëꞌ Cristo nacuáꞌ Jerusalén bönniꞌ judío cutaꞌyejlëꞌ. Lëzcaꞌ gdxia ladxëꞌë bunách queëꞌ Cristo Saulo. Gyaziëꞌ gap nac lu yuꞌu quequëꞌ, atiꞌ gzxönëꞌ yuguꞌ bönniꞌ len ngul, gluꞌë lequëꞌ lidx guia. Niꞌr glaslas gdu luyú Judea len luyú Samaria yelatiꞌz cuguluhuöatë bunách queëꞌ Cristo, atiꞌ gulugaꞌnëꞌ Jerusalén légaczëꞌ gbaz naꞌ nasölëꞌë Cristo.
4Yjaquëꞌ yúguꞌtë latj bönniꞌ naꞌ gláslasiëꞌ, atiꞌ glunëꞌ lban qui didzaꞌ dxiꞌa.
5Niꞌr gyijëꞌ luyú Samaria Felipe, bönniꞌ dzaguëꞌ nup naꞌ glaslas, atiꞌ niꞌ benëꞌ lban ca nac queëꞌ Cristo.
Hechos 8
Hechos 8:1-5