1Homame Sol ye aibaba yogolec ngageme madickewec. Aime dameng yogowahac Yesule habu Yerusalem iwa gaibong, yenge molickelu weyebic aiyeleibong. Aiyelebong siyeckelu Yudeya nga Samaria himongka hikeyackeibong. Salecebaicne yengi sugu Yerusalem iwa gaibong.
2Aime ngic gocne Sugucne alang bacnolu gaibong, yengi Stifen balu hisonggong sugucnebenang aicnolu longkeibong.
3Aime Sol ye Yesule habu weyebic aiyelenale macsoc macsoc felu ngic-ngigac fulucke-bac aiyelelu muc-macka locebalu gawec.
4Inguc aime yenge siyeckelu hangoc macsoc hike galu ngic-ngigac Wapongte mic-yowa mibong yegengkeme ngagelu gaibong.
5Inguc aibong Filip ye Samaria ngic yengele taonka hikelu Mesiale yowa-siduc edocebalu weduyelewec.
Salecebaicne 8
Salecebaicne 8:1-5