8Xuta fariseo ne, chja me ta nima ne, cuya cjuahñu, hacuaha chja sa me xi tjin ángel hacuaha tjin hasen naja. Peru xuta saduceo ne, chja me ta quixiin.
9Hya xi camá ne, cavisatjenhnga ngu suë jyë. Ngajan xi cavetjujñi ngujo cha xi vicuya cjuachacun xi hacuaha fariseo cha ne, cachja cha cuitjin: ―Sacuiin niji hisca ngu jyë́ rë cha xi cuijyihi vi. ¿Há ngayaan hyan sa xi ngu ángel o sa xi ngu hasen cachja cojo rë cha? ―Cuatjin cachja cha.
10Hane hya xi suë xi tacun jan camajyë sa ne, jemu catsacjun capitán jan tsëhë xi tsiquehen xuta Pablo. Hane vëhë xi cavitexa me sindadu xi cjuejne, cuaxëxín cha Pablo tsëhë ngajñi rë xuta jan, cjuecojo cha me cahntsua hiscan hincha sindadu.
11Hane xi camá nguixun nchujun jan ne, quijitjengui Nai naja Pablo, cuitjin cachja me cojo rë me: ―Tejñi hñu xahasen riji ta, tsëhë xi sacuatjin canoje ngatsë naha nguehe Jerusalén ne, hacuaha cuatjin tjin ri xi cuinoje ngajan Roma. ―Cuatjin cachja Nai naja.
12Hane xi camá nchujun nga jan ne, ngujo xuta tjë rë Israel jan ne, casahmitangun me cjua xi hacuiin sinë hacuiin cuihi me jinguyëjë rë xi cjëë tsiquehen me Pablo.
Hacutjin Casahmi Apóstol 23
Hacutjin Casahmi Apóstol 23:8-12