8යතඃ සිදූකිලෝකා උත්ථානං ස්වර්ගීයදූතා ආත්මානශ්ච සර්ව්වේෂාම් ඒතේෂාං කමපි න මන්යන්තේ, කින්තු ඵිරූශිනඃ සර්ව්වම් අඞ්ගීකුර්ව්වන්ති|
9තතඃ පරස්පරම් අතිශයකෝලාහලේ සමුපස්ථිතේ ඵිරූශිනාං පක්ෂීයාඃ සභාස්ථා අධ්යාපකාඃ ප්රතිපක්ෂා උත්තිෂ්ඨන්තෝ (අ)කථයන්, ඒතස්ය මානවස්ය කමපි දෝෂං න පශ්යාමඃ; යදි කශ්චිද් ආත්මා වා කශ්චිද් දූත ඒනං ප්රත්යාදිශත් තර්හි වයම් ඊශ්වරස්ය ප්රාතිකූල්යේන න යෝත්ස්යාමඃ|
10තස්මාද් අතීව භින්නවාක්යත්වේ සති තේ පෞලං ඛණ්ඩං ඛණ්ඩං කරිෂ්යන්තීත්යාශඞ්කයා සහස්රසේනාපතිඃ සේනාගණං තත්ස්ථානං යාතුං සභාතෝ බලාත් පෞලං ධෘත්වා දුර්ගං නේතඤ්චාඥාපයත්|
11රාත්රෝ ප්රභුස්තස්ය සමීපේ තිෂ්ඨන් කථිතවාන් හේ පෞල නිර්භයෝ භව යථා යිරූශාලම්නගරේ මයි සාක්ෂ්යං දත්තවාන් තථා රෝමානගරේපි ත්වයා දාතව්යම්|
12දිනේ සමුපස්ථිතේ සති කියන්තෝ යිහූදීයලෝකා ඒකමන්ත්රණාඃ සන්තඃ පෞලං න හත්වා භෝජනපානේ කරිෂ්යාම ඉති ශපථේන ස්වාන් අබධ්නන්|