Gutpela Sindaun 8:5-10

⁵Yupela man i no gat save, yupela kam na kisim save. Yupela man i no gat tingting, yupela kisim gutpela tingting.

⁶Putim yau gut long gutpela na stretpela tok mi laik givim yupela.

⁷Oltaim mi save autim tok i tru tasol, na mi no laik tru long olkain tok nogut.

⁸Olgeta tok bilong mi i stretpela tasol. Mi no inap mekim wanpela tok giaman.

⁹As bilong dispela tok i klia tumas long man i gat gutpela tingting na save, na ol i save dispela tok i stret olgeta.

¹⁰Yupela i mas larim mi i skulim yupela long gutpela save, long wanem, tok bilong mi i winim gutpela silva na gol.