Godigo Nogi Ugwaba Sabo Tęąbi Po Wabo Buku Dabe 41:5-12

⁵Te eno boi bidi dabego enade dwai haliga eyu, tama augwa te po wai, “Te aga polo isibaso, te dago homu kone agade ebo tagalaibao.”

⁶Te bidi mebago ena suagasu, tama augwa enade odolali po miani. Augwaligo te ena gasi dwai ebo po odainu yali. Tama nosali augwa buluba dią soyu, tama augwaligo ena te gasi ebo po te tigidali habude te po pusubo dao.

⁷Tigidali bidigo ena wei me isąyu, te augwaligo eno gasi po geme wabo dao. Augwaligo homugo te dwai nai mugo ena dolomainu homu ebo dao.

⁸Augwa te tama po wai, “Te dwai naigo aga salio,” wali. “Te aga ma hodalubaso, te usu egobeo. Te aga isaibao,” wai.

⁹Eno abagi me deli elaluai, aga te eno hai namu mu tama, tama aga te ena dali nai tuyu yai. Tiali goli, aga me te eno boi bidi pedelali.

¹⁰Genuai Bidi, nago te olo tau sabo wiegi yai kolesaga enaba eyu, tama e gasi silimainu yao, tama te eno te bidi dabe augwa yali kolesaga wei ponaibao.

¹¹Te boi bidi dabego ena dolisąbaso da, teda eno koneyu, te nago ena godolo eba homu yaibao.

¹²Nago suali, te ena dolo bilibaso, tama nago ena tonaluali, tama nago ena te naga pąde sesemane dolaluaibao.