Genesis 36:8-24

⁸Kêtu tonaŋŋa Esau jagêŋgôŋ gamêŋ lôcŋa Seir. (Esaunê ŋaê teŋ gebe Edom.)

⁹Lau Edom tameŋi Esau, taŋ gêŋgôŋ gamêŋ lôcŋa Seir naŋ, nê wakuc tau tonec.

¹⁰Esau latui nêŋ ŋaê tau tonec gebe Esaunê awê Ada latu Elipas, Esaunê awê Basemat latu Reuel.

¹¹Elipas latui Teman, Omar, Sepo, Gatam ma Kenas.

¹²(Esau latu Elipas nê awê teŋ gebe Timna. Eŋ kêkôc Elipas latu Amalek.) Esaunê awê Ada latui tau tonaŋ.

¹³Reuel latui tau tonec gebe Nahat, Sera, Sama ma Misa. Esaunê awê Basemat latui tau tonaŋ.

¹⁴Esaunê awê Sibeon latu Ana latuo Oholibama nê latui tonec. Eŋ kêkôc Esau latui Jeus, Jalam ma Kora.

¹⁵Esau latuinêŋ kasêga tonec. Esaunê ŋacsêga Elipas latui tonec gebe kasêga Teman, Omar, Sepo, Kenas,

¹⁶Kora, Gatam ma Amalek. Elipasnê kasêga êsêac, taŋ sêŋgôŋ gamêŋ Edom. Ada latui êsêac.

¹⁷Esau latu Reuel latui tonec gebe kasêga Nahat, Sera, Sama ma Misa. Reuelnê kasêga êsêac, taŋ sêŋgôŋ gamêŋ Edom. Esaunê awê Basemat latui êsêac.

¹⁸Esaunê awê Oholibama latui tonec gebe Jeus, Jalam ma Kora. Esaunê awê Ana latuo Oholibama kêkôc kasêga tonaŋ.

¹⁹Esau (nê ŋaê teŋ gebe Edom) latui to nêŋ kasêga tonaŋ.

²⁰Ŋac gamêŋ Horŋa Seir latui, taŋ sêŋgôŋ gamêŋ tonaŋ naŋ, tonec gebe Lotan, Sobal, Sibeon, Ana,

²¹Dison, Eser ma Disan. Seir latui êsêac, taŋ têtu lau gamêŋ Horŋa nêŋ kasêga aŋga gamêŋ Edom.

²²Lotan latui tau tonec gebe Hori agêc Heman. Lotan luo Timna.

²³Sobal latui tau tonec gebe Alwan, Manahat, Ebal, Sepo ma Onam.

²⁴Sibeon latui tau tonec gebe Aia agêc Ana. Eŋ Ana, taŋ katap bumata ŋandaŋ sa gêdêŋ taŋ gejob tama Sibeon nê doŋki aŋga gamêŋ sawa.