Gaalu Sɛʋɛi 23:1-5

¹Ɓalaame ɠɛni Ɓalake ma: «Zalaɠa ɠulazu lɔfela lo bɛ̀ ʋɛ, è nikɛ zinɛ lɔfela ta baala sinɛ lɔfela ɠɛʋele ɓɛtɛ bɛ̀ ʋɛ.»

²Ɓalake naa ɠɛɛni, nii Ɓalaame boni. Ɓalake ta Ɓalaame ti nikɛ zinɛ ɠila ta baala sinɛ ɠila kulani ga zalaɠai, zalaɠa ɠulazuʋɛ ɠilagilagi.

³Ɓalaame ɠɛni Ɓalake ma: «Ɠaalɔ, è lo ɗa-ɠala zalaɠai ɠoba. Nà maaɠoozazu, tanisu Ɠɔoɠɔ GALAGI ɠa ʋaazu é dàaɠomi. Nà naama wooi laazeeli è ma, nii a kula kɛlɛma bɛ̀.» É liini gizei ta ma, nii gulu la ma.

⁴GALA ge ɠulani kɛlɛma Ɓalaame ʋɛ, naa ɠɛni ma: «Gè zalaɠa ɠulazu lɔfela logɛ, gè nikɛ zinɛi ta baala sinɛi ɠulaʋɛ ga zalaɠai, zalaɠa ɠulazuʋɛ ɠilagilagi.»

⁵Ɠɔoɠɔ GALAGI wooi ʋuuni Ɓalaame la, é ɠɛ ma: «Ɠale ma Ɓalake ʋɔ bɛ, è ɓɔɛ pɔ ɠani.»