Xapdi Muli (Kisim Bek) 1

1

2

4

8

12

15

16

22

24

¹Isipdi dilibu doa mana Isreldi.

²Yekop garang lupdi dila xauna Isip. Dila xaung bakbagindi. Garadingdi yadingdi bila li. Ruben, Simion, Libai xaung Yuda.

³Isakar, Sebulan xaung Benyamin.

⁴Dan, Naptali, Gat xaung Aser.

⁵Ne Yekop ila muga saing wa Isip. Bungina Isreldi Yekop bakbagindi, ding sanga 70 haing lipudi.

⁶Kimuya Yosep gabu sabangandi xaung bakbagindi dimati masup.

⁷Baing Isreldi disok xumana xaung haringinga saing dibaxagi mana titia Isip.

⁸Niani teladi kimuya xai tamoxi tela sokba wasa mana Isipdi. Ina xabia Yosep te.

⁹Ne xaitamoxi bala haing lupdi bilali, Isreldi xumading haringingadinga dali haringingarua.

¹⁰Nabu haungingua mesa, bagula disigi bixuaruadi bu dahaungga na kira, ba diyunga titiali bu dila. Kira sanga tasai daxa bu tariba nabu disok xumana.

¹¹Binabu lipu toxong Isipkamdi dita Isreldi oxatia, bu ditongtongia taun sabanga luwa, Pitom xaung Rameses, bu ditagea anginga na xaitamoxi.

¹²Ne Isipdi dilibu doa mana Isreldi, ne Isreldi disok xumang sibunau yu, saing dibaxagi mana Isip, saking Isipdi dimaxoadi.

¹³Namouana Isreldi dimakasabuk.

¹⁴Rungingadinga sok xai te, Isipdi disina oxata brikam mana numa tongtongiangana xaung umanga oxatana. Ne dusingadi monga te, Tegu sibuna.

¹⁵Baing xai tamoxi Isipkam, sina oxata na Hibru haing luwadi Sifra xaung Pua.

¹⁶Bala dingtang ba nabu Hibru haingdi dahayau gara lupdi bing aungdi mati, nabu dahayau haingdi bing dua sangau.

¹⁷Ne haing luwadi dimaxua Urana saing dinaxu mana xaitamoxi haruanganoa te, diyunga gara lupdi dua.

¹⁸Baing xaitamoxi wagi dingtang ma saing xusungadi ba, baruta ning alibu bila ba, tang gayunga gara lup dua.

¹⁹Tang dahaxuya ba, Hibru haingdi bila Isip haingdi te.

²⁰Ding bagula dahayau sap.

²¹Urana libu xai mana dingtang saing dua, dahayau disok xumana xaung haringinga.

²²Kimuya xai tamoxi bala Isipdi bilali.