Diyesuwa 24:7-17

⁷sa anꞌeta laoma, itiye, “Aee–, u saguhimai!” Na kamumu E tole, iti yo Idipi dodogadi atiꞌatipudi yai. Na gabogabo E fasiu fuyoi, be sa kapulolo. Ami siba somo E ginauli Idipi lisidi yai.

⁸Nuꞌu pitapitalina yai ami miya ee–, fuya lofalofa, habahim, E lawemiu Amoli Nuꞌuna yai, Diyodan tefa saisaina yai. Sa hiyalaimiu, na E galatatamiu. Edi tanohi ami abi, enehemiu, na E lau funuhidi umi debamiu yai.

⁹Na dodoga luwaga, hesa hesana mate Balaki. Tamana hesana Sipoli. In mate Mowabi edi baꞌisa laꞌilaꞌi. Na hesa hesana Balam, tamana mate Beyoli. Mowabi dodogadi, maꞌedi baꞌisa sa hiyalaimiu. Yo fede, Balaki liba ya fatamali lawen, Balam lebena. Ya faliba bena ya kaumananaemiu.

¹⁰In moho, ibege ya ataꞌatahi lau Balam lisina, be ya liba fasunumaimiu. Itete sidohana E faloholohomiu Balaki lisina yai.

¹¹Fuyanna, Diyodan hoꞌowana ami lau tefa, be ami mahano laoma Diyeliko Nuꞌuna yai, dodogadi sa hiyalaimiu, doha Amoli, Pelisi, Kanana, Hiti, Giligasi, Hiwi yo Debusi sa hiyalaimiu. In moho, egu sagu yai, ami lei hafihafitidi.

¹²Bumo hinaga E fatamali bwaꞌiyedi, be Amoli yo edi babaꞌisa luwaga sa weꞌaidi. Hige bena emi kepata yai, e emi pidu yai au faꞌwasabudi.

¹³Na umaꞌuma tanohidi, yo duhu laꞌi ginaginauli nonohadi E felemiu, mate hige au ginaulidi. Na aho, umaꞌuma uludi nonohadi ami anꞌannidi, wain yo oliwe gabudi, umi hige laꞌi au umahidi.

¹⁴Diyesuwa iyen, Yaubada au faꞌatitiyen, yo ma nuwa ofimiu au famuli watan. Ami mumuga edi yaubada doha oitau au peidi yo au nuwa fuiyedi, yaubadadi beyabeyana Idipi, yo Ifeleti Nuꞌudi yai sa famuli watanidi. Na Yaubada Wananaha moho au famuli watan.

¹⁵Ibe yena Yaubada Wananaha hige au fanuha, mate, lahai te, nuwamiu au hinelidi. Haba yaubada tausomo ami lau watanidi? Ami mumuga, Ifeleti yai edi yaubada haisa? E Amoli edi yaubada haisa iti edi tanohi yai te, aho te miyamiya? In moho, maꞌagu boga haba Yaubada eda Guyau ꞌe lau watan.

¹⁶Dodoga ena liba sa bui, itiyen, Ibege Yaubada Wananaha ai nuwa fuiyen, na yaubada haisa ai famuli watanidi.

¹⁷Edi aba lau fayofayoida Idipi yai, Yaubada eda Guyau ya foyafoyahida, yo ena gigibwali ya famahatadi, be te itadi, yo ya ita wata loholohoꞌida nuꞌu haisa somo yai eda aba lau yai.