Buk Song 97:5-12

⁵God em i Bikpela bilong olgeta graun. Em i kam na ol maunten i kamap olsem wara.

⁶Skai antap i save autim tok long stretpela pasin bilong em, na olgeta lain manmeri i lukim lait bilong en.

⁷Ol manmeri i save lotu long ol giaman god na litimapim nem bilong ol, ol i sem nogut.

⁸Olgeta manmeri bilong Saion na bilong ol taun bilong Juda, ol i belgut na amamas long kot bilong yu.

⁹Bikpela, yu God Antap Tru, yu bosim olgeta hap graun. Yu gat biknem na yu winim olgeta giaman god.

¹⁰Bikpela i laikim tru ol manmeri i no save laikim pasin nogut. Em i save lukautim gut ol manmeri bilong en na kisim bek ol long han bilong ol man nogut.

¹¹God i save givim lait long ol stretpela manmeri, na i save mekim bel bilong ol i amamas.

¹²Yupela stretpela manmeri, yupela i ken amamas long ol samting Bikpela i bin mekim. Tingim dispela na tenkyu long em, em God bilong mekim gutpela na stretpela pasin olgeta.