Pesalem 97:5-12

⁵Apômtau gêgôm lôc gêwê e kêtôm lêp gebe eŋ kêtu lau nomŋa samob nêŋ Apômtau.

⁶Undambê sêwaka ênê biŋgêdêŋ sa ma tenteŋlatu samob sêlic ênê ŋawasi.

⁷Lau samob, taŋ sêjam sakiŋ gwam to tetoc tauŋ sa kêtu nêŋ gwamŋa naŋ, oc sêkô tomajeŋgeŋ. Anôtôi samob sêu tauŋ sêc eŋ laŋônêmŋa.

⁸Sion gêŋô e têtac ŋajam ma Juda latuŋio aweŋ gêôc toôndugeŋ kêtu aôm Apômtau, kômêtôc biŋŋa.

⁹Gebe aôm, Apômtau, kôtu nom samuc ŋatau towae. Aôm kôlêlêc anôtôi samob ŋêŋgeŋ su.

¹⁰Apômtau têtac gêwiŋ lau, taŋ sêkêŋ kisa êndêŋ sec naŋ. Eŋ tau gejob nê lau mansaŋ katuŋ ma kêjaŋgo êsêac su aŋga lau geo nêŋ lemeŋ.

¹¹Ŋawê kêsa gebe êpô lau gêdêŋ ma têtac ŋajam kêpi êsêac, taŋ nêŋ ŋalêlôm ŋaŋêŋ naŋ.

¹²Amac lau gêdêŋ atu samuc Apômtauŋa ma anam daŋge eŋ.