SALMOS 97:5-12

⁵Nochi tepetini atiyaj queja cera iixtla TOTECO tlen iaxca nochi tlaltepactli.

⁶Elhuicactli tlayolmelahua para Toteco xitlahuac tetlajtolsencahua. Huan nochi tlaltepactli quiita ihueyitilis.

⁷Ma mopinahuaca nochi tlen quinhueyichihuaj teteyome, huan nochi tlen mohueyimatij ica inintlaixcopincayohua tlen ax tleno ininpati. Nochi sequinoc imojuanti tlen tlacame inmechtocaxtíaj “intiotzitzi” ximotlancuaquetzaca iixtla Toteco.

⁸TOTECO, nopa altepetl Jerusalén huan nochi altepetini ipan tlali Judá quipiyaj paquilistli ica motlamachtil.

⁹Pampa ta, tiTOTECO, tijnahuatía nochi tlaltepactli, huan más tihueyi que nochi sequinoc tlen quintocaxtíaj tiotzitzi.

¹⁰TOTECO quinicnelía nochi tlen quicocolíaj tlen ax cuali. Quinmocuitlahuía itlacajhua huan quinchololtía ininmaco tlaixpanoca tlacame.

¹¹Tlen xitlahuac ininyolis nemi ipan itlahuil Toteco, huan tlen cuali ininyolo quipantíaj paquilistli.

¹²Xipaquica ipan TOTECO nochi imojuanti tlen initztoque xitlahuac iixtla. Xijhueyichihuaca huan nochipa xiquilnamictoca para Toteco yajaya senquistoc tlatzejtzeloltic.