Buk Song 81:1-5

¹Asap i raitim dispela song. Man i bosim musik i mas tokim ol man long paitim kain gita bilong taun Get. Amamas na singaut long God, helpim bilong yumi. Singim song bilong litimapim nem bilong God bilong Jekop.

²Mekim gutpela musik long olkain gutpela gita kulele samting.

³Winim biugel long bikpela de bilong lotu long taim bilong nupela mun na long taim mun i bikpela pinis.

⁴Dispela em i lo bilong yumi ol Israel. God bilong Jekop i givim dispela lo long yumi.

⁵Taim bipo God i go pait long ol Isip, em i givim dispela lo long yumi Israel.