Buk Song 65:10-13

¹⁰Yu save salim planti ren i kam daun long olgeta gaden, na wara i stap insait long graun. Wara i save mekim graun i no strong na kaikai i kamap gut.

¹¹Yu gutpela tumas long mipela na yu mekim kaikai i kamap planti. Sapos yu go long wanpela hap, yu save mekim planti gutpela kaikai i kamap long dispela hap.

¹²Ol bulmakau na sipsip i pulap long olgeta ples i gat gras. Na planti gaden i stap long ol maunten, olsem na ol maunten i amamas.

¹³Planti sipsip tumas i stap long ples i gat gras na pulapim tru. Wit i pulap tru long ol ples daun namel long ol maunten. Na olgeta samting i amamas.