Buk Song 46:5-9

⁵God i stap long dispela taun, olsem na taun i no inap bagarap. I no tulait yet na bai God i helpim em.

⁶Ol lain manmeri i kirap nogut na i pait wantaim. Na ol king wantaim ol manmeri bilong ol, ol i bagarap. God i bikmaus moa yet na graun i kamap olsem wara nating.

⁷Bikpela I Gat Olgeta Strong em i stap wantaim yumi. God bilong Jekop em i ples hait bilong yumi.

⁸Kaman! Yupela lukim wok Bikpela i mekim. Bai bel bilong yupela i kirap nogut long planti narakain samting em i mekim long graun.

⁹Em i save mekim i dai pait long olgeta hap graun. Em i save brukim olgeta banara na spia, na em i save kukim ol hap plang long paia.