Salamo 46:5-9

⁵Eaubada ia duaduarina eai, ia taba nige se hemoiu, Eaubada ia abo i saguheulai.

⁶Etene se sagasagari, eanua udoi udoi se eoeo; arinana ie tore, na tanoubu ie welo.

⁷Tauiala moutuana GUIAUNA ia maeda, Iakobo ena Eaubada ita eda aba homo!

⁸Au laoma GUIAU ena paipaisoa au itadi, iabom i ginauridi tanoubu eai:

⁹Iala i helautomdi i lau e tanoubu sigana; welolo gigidi i hetagodudi, eo alahia i godudi, kariota oeagi eai i gabudi!