Brabli Gudwan Song 7:6-9

⁶Yu luk purdiwan! Yuwai, yu brabli purdiwan. Yu meigim mi gudbinji en ai laigim yu detmatj.

⁷Yu brabli longwan en yu mubaranbat gudwei laik det pamtri, en yu dubala milk brabli fulwan laik det kukwan frut daga blanga det pamtri.

⁸Ai garra galimap langa det pamtri en gajim ola frut daga. Langa mi, yu dubala milk im luk jis laik det greip daga, en yu smel laiga switwan epul.

⁹Wen yu kiskisbat mi, yu teist laik det brabli gudwan wain. Det gel im sing. Larram det wain randan streit langa main olmen, en larram im teistim garram im mawus gudwei.