Kinera Koari na Kinerakera 7:6-9

⁶Kei! Nake bulebule meke leleamu hola si agoi! Agoi qua tataru, agoi poni nau qinetuqetu si arau!

⁷Sa tinimu si guana huda manioko, meke sari susumu si guana karua vua manioko.

⁸Zama si rau, “Maqu haele ia sa manioko; maqu taṉini vagi sari na vuana.” Sari susumu si madi gua rina katakata qurepi. Sa siniṉo tamugoi si humaṉa lea guana apolo,

⁹meke sa ṉuzumu si guana vaeni ta tavete va leanana. Sa Vineki Mani totolo la sa vaeni koasa qua babaere, gotolo hola ni sa sari beruna na livona.