Apousel sohwafe Syoho 28:3-10

³Poul kako toho nomanto mefontanɨngki homa toho uhuꞌnɨngkahonɨngki toho mtaꞌni noswaponto Poulɨye ahomo toho loꞌmentisofoho.

⁴Aꞌamu hopo sopo humamotofoso homa Poulɨye ahomo lojɨjwosyowahonɨngki uhwonontɨfi lɨmentohofi, Olo hwe lohwo aꞌamumo fonjahumasohwolɨkeno. Kako mijomo poyo mapeꞌnyosoꞌne homa toho ulokwoho. Aꞌamumo fonjasiyo soꞌno poyo peꞌnyoso wopɨngofoho. Wapeꞌnɨmtonoho.

⁵Ose lahonɨngkofi Poul homa tohomo ilojaefonto kakoe aꞌapaho wonyo mmoꞌnɨmmentisofoho.

⁶Aꞌamuso Poul poyo peꞌnyo soꞌno hontohumantɨfi syafɨhuꞌmentohofi kakoe aho engo kahwosoꞌno nopɨhwasi wapeꞌnɨmtonoho. Oseso hofɨko wonyopi hontohumantɨfi Poul wopɨngo humentanɨngki uhwonontɨfi lɨmentohofi, Olo hwe lohwo kako Anɨtu paꞌnyo hweho. Ose lɨmentohofofoho.

⁷Oso hwaho nakwo iꞌmofapmmentɨhwone sopo hwe hwaho hopiꞌnonohino mokosyohumayo sohwo kakoe hwahoponoho. Oso hwe huhwo sohwo kakoe yofe Papɨliyasɨyoho. Kako kakoe angomo nomenehumajonto osopo wopɨngo nelohofahonɨngki sɨkuno hufaꞌu sɨhune humamentɨhwonefoho.

⁸Papɨliyasɨye kanɨngkwohwo mnokinoꞌnjohwo humamentisofoho. Kakoe aꞌapaho tohohmtnnoꞌnjo iyoho aswoꞌnjoho. Oseso Poul kakoꞌnjopo nowento mnokinopo aho kisusyonto Anɨtumo jomo ulonto wopɨngo umokumentisofoho.

⁹Ose yahonɨngki aꞌamu hwaho hopo sopo humamotofoso nuhwonontɨfi aꞌamu hopiꞌnono mnokinoꞌnjoso nopahonɨngkofi Poul aꞌamu hisomo wopɨngo umokumentisofoho.

¹⁰Oso hisoꞌno hofɨko wopɨngoꞌnohini nalohoꞌmentohofofoho. Oso hwaho hopo sopo nohumentanɨngkuhwone hamno hufaꞌu sɨhune neyakoloꞌmentisofoho. Ulɨkoꞌmaꞌmentɨhwone sohonta nakwo yoꞌmayo umofonyo iyoso aꞌamu hiso hofɨko yofayokinomo huꞌmeehumentohofofoho. Oso yofayokino hiso ifofo engo soꞌno oso hwaho hopo sopo hontohumamentohofofoho. Oso yofayokino somo nokotosontani umentɨhwonefoho. Yofayokinoso ango Alekɨsantɨliyantaꞌangofoho. Hntole hohntaꞌni anɨtu paꞌnyo huyoꞌmango hufaꞌuꞌnjoponoho. Susɨye hwomu hwaꞌuye huyoꞌmangofoho.