Yɛbəc 28:3-10

³Pol ɛnawɛtəs yaŋcan yɔlɔma nyɛ ɛnayi kəcɔl dənɛŋc mɔ, mba teta pəwon, kɔ dɔf dowur yaŋcan disrɛ kɔ dɛndɛtərnɛ kɔ dəkəca.

⁴Ntɛ aka atɔf ŋaŋɔkɔ ŋanəŋk dɔf dɛdɛtərnɛ Pol dəkəca mɔ, kɔ ŋalokɛnɛ: «Fum wəkawɛ tɔlɔma wədif afum ɔyɔnɛ, bawo ɛntɛp kəc-cafɛ dəkəba, mba Pəlompu powosɛ fɛ nkɔn kəyi doru.»

⁵Mba kɔ Pol ɛwɛs abok nŋɛ dənɛŋc, ali ta pəŋcu kɔ-ɛ.

⁶Afum akakɔ ŋac-kar a pəŋkɔ-kəf kɔ dənda abok ŋɛnadɛtərnɛ mɔ, kɔ pəyɔnɛ fɛ ti-ɛ pətɛmpɛnɛ pəfi. Ntɛ ŋaŋkar kɔ pəwon ta ŋaŋnəŋk tɔlɔm o tɔlɔm tɔsɔtɔ kɔ mɔ, kɔ ŋasəkpər tɛcɛm-cɛmnɛ taŋan, kɔ ŋaloku a kanu kɔ ɔyɔnɛ.

⁷Kəfo kaŋkɔ kəsək antɔf ŋɔpɔŋ ŋɛnayi di ŋa fum wəbeki wəpɔŋ wəka mokuru mamɔkɔ wəlɔma, pac-we kɔ Pubiliyu. Nkɔn ɛnasɔŋ su dəkəyi dɔtɔt mata maas.

⁸Papa ka Pubiliyu ɛnafəntərɛ ta ɛntamnɛ-ɛ, fiba kɔ kupur yeyi kɔ. Kɔ Pol ɛmbɛrər kɔ, k’ɔntola Kanu, pəc-deŋər kɔ waca, k’ɛntaməs kɔ.

⁹Ti disrɛ kɔ acu aka mokuru aləpəs akɔ ŋander sɔ, kɔ ŋa sɔ ŋantamnɛ.

¹⁰Kɔ aka dare ŋaleləs su bel-bel, ntɛ səndeyɛfɛ kəkɔ mɔ, k’asɔŋ su ca yɔkɔ pənamar su kəyɔ mɔ fəp.