Abosel 28:3-10

³Fole imin anggameyo bola oleb te fakansea inabe as amun tem iwat bianea ulanea wat tenea Fole kweil wat antamasea

⁴betano yo seli atemiba inabe e kweil wat antama bie kesoa i sinwalo obianiba Naka ele naka yemin nakabo, aantem daako mo kaaim blim otane memalo kukub klamin gode make baanea E kaaneko gene kesoa inabe antamabiebo gesib otane

⁵Fole kweilone halele genea dabianea akil tem wat unea deibanea klayam bia

⁶betano yo seli bianiba fumbianiba Situbanea kaanamabebo ge fumbiba e inamin namino mo omubaim blim kesoa i imin funaniba E godobo ge funasiobe.

⁷Betano yo komoke niniino Fabliase ni dletnea tanoba e am tam aalaboba e kla kima bia amo asumatna blimanso dimo

⁸Fabliase aye kweimo abua alo bela biam bia Fole atemnea kweile gabamon ut afunea beten kebanea ayam ane kesoa

⁹nakaia unangai ginin gami maki wenteniba tlebiba klaye bisebe.

¹⁰Siib make smik mako asu klaniba god dim omine Suse meme naka ten itabo geniba siib ele mukung mete dlasa geibbue Aleksandlia bib danea tetemea glole tleme kesoa denea Molta ye binabebua ni inaboba alimo asumatna blimano kesoa Deibe unomo genoba tanoba siib ele tem tam unom genaboba Fole ginin gami klayebei inamin namin homono oleb teniba ni oyib ole deibenoba