Aposel 8:14-20

¹⁴Kemin, Yesus ami aptum kusal Jerusalam bilip iyo weng seliwa yi, Sameria kasel iyo God ami weng uyo weng sanbip kala, kala-lomdip, Pita so, Jon so, alep iyo im-baalip din Sameria un-ilom,

¹⁵itamiwa yi, Sameria ili Kamokim Yesus ami win kufo-lomdip, oksam okoyinbip. Lale, God ami Sinik Tangbal ayo tildaak kiimi diim abin disa be kala, kala-lomdip, sikil kuyak imi dabom diim tiiya-lom, God ami bokola-lomdip: Kamokim kapyo, Kapni Sinik Tangbal kaa kalawiimi diim abamnak o, kaliwa, kulaali God ami Sinik ayo tal kiimi diim abamna ko.

¹⁸Saimon ayo utama yi, Yesus ami kalaan tunum alep kii, sikil kuyak unang tunum imi dabom diim tiiliple, God almi Sinik ayo dabaala tal imi diim abamna kala kalalaya, moni kulii-tal alep imi kuya-lom

¹⁹bokoya ko: Alep ibi kanolin titil kalawaali ma kup-nipla, God ami Sinik Tambal ayo kanta nami sikil kuyak dabom diim tiilokomi kaayo, imi diim abak o, yakale,

²⁰Pita asiik bokola-lomda: God alami titil masiim kukaayila-yaaba kaa, kabi moni kuya-lomdi, molon o, kalbap o? Disa, kalok kano molokomap disa. Kanolokomap kaa, God ata kapso, kaltapni moni so, im-baala as kiinin abip unolip i!