ACTUUM APOSTOLORUM 8:14-20

¹⁴Cum autem audissent Apostoli qui erant Jerosolymis, quod recepisset Samaria verbum Dei, miserunt ad eos Petrum et Joannem.

¹⁵Qui cum venissent, oraverunt pro ipsis ut acciperent Spiritum Sanctum:

¹⁶nondum enim in quemquam illorum venerat, sed baptizati tantum erant in nomine Domini Jesu.

¹⁷Tunc imponebant manus super illos, et accipiebant Spiritum Sanctum.

¹⁸Cum vidisset autem Simon quia per impositionem manus Apostolorum daretur Spiritus Sanctus, obtulit eis pecuniam,

¹⁹dicens: Date et mihi hanc potestatem, ut cuicumque imposuero manus, accipiat Spiritum Sanctum. Petrus autem dixit ad eum:

²⁰Pecunia tua tecum sit in perditionem: quoniam donum Dei existimasti pecunia possideri.