14ᤜᤧᤰᤁᤩᤠᤱ ᤕᤖᤢᤛᤗᤧᤶᤔᤥᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤛᤠᤔᤖᤡᤕᤠᤛ᤻ᤔᤠ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤋᤧᤴᤍᤡᤱ ᤔᤧᤈᤥᤃᤢ ᤁᤧᤗ᤹ᤒᤠ ᤔᤧᤄᤧᤵᤛᤢᤀᤠᤱ ᤐᤋᤪᤢᤛ ᤏᤢ ᤕᤢᤜᤢᤴᤏᤠ᤺ᤴ ᤂᤧᤵᤔᤥ ᤔᤧᤒᤠᤱᤄᤢᤛᤡᤖᤥ॥
15ᤜᤧᤰᤁᤩᤠᤱ ᤂᤢᤴᤇᤡ᤹ ᤛᤠᤔᤖᤡᤕᤠᤀᤥ ᤁᤧᤖᤧᤳᤇᤡᤀᤠᤱ ᤏᤛᤠᤏᤡᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤏᤡ ᤑᤠ᤹ᤀᤠᤱ ᤋᤢᤘᤠ ᤆᤥᤃᤢ ᤐᤡᤖᤧᤳᤇᤢᤖᤥ.
16ᤌᤣᤀᤠᤱᤓᤧᤸᤗᤧ ᤀᤠᤸᤗᤥ ᤌᤠᤖᤡᤰ ᤏᤛᤠᤏᤡᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤴ ᤔᤧᤱᤄᤥᤀᤣ ᤔᤧᤘᤕᤧ. ᤁᤖ ᤍᤠᤱᤒᤠ ᤕᤧᤛᤢᤖᤧ ᤁᤢᤔᤡᤱᤅᤥᤖᤰ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤕᤧ॥
17ᤜᤧᤰᤁᤩᤠᤱ ᤐᤋᤪᤢᤛ ᤏᤢ ᤕᤢᤜᤢᤴᤏᤠᤖᤧ ᤂᤢᤴᤇᤡ᤹ ᤜᤢᤰᤜᤠ᤹ ᤛᤠᤔᤖᤡᤕᤠᤛ᤻ᤔᤠ ᤏᤛᤠᤏᤡᤒᤠᤜᤠ᤹ ᤛᤶᤍᤠᤱ ᤏᤧᤛ᤻ᤛᤢ ᤐᤡᤖᤧᤳᤇᤢᤀᤠᤱ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱ ᤔᤧᤄᤥ᤺ᤛᤢᤖᤥ॥
18ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤡᤴ ᤏᤧᤛ᤻ᤛᤧᤳᤇᤢᤸᤗᤧ ᤔᤏᤠᤜᤠ᤹ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤌᤢᤰᤋᤢᤛᤡᤒᤠ ᤛᤡᤔᤥᤏᤖᤧᤀᤠᤱ ᤏᤡ᤺ᤛᤢ ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤱ ᤐᤡᤖᤢᤛᤡᤖ
19ᤀᤰᤂᤣ ᤔᤧᤳᤋᤢᤛᤡ. “ᤔᤏᤠ ᤛᤶᤍᤠᤱ ᤀᤡᤱᤃᤠ᤹ᤀᤠᤱ ᤀᤠᤜᤢᤰ ᤏᤧᤛ᤻ᤛᤢᤱ ᤐᤡᤖᤢᤱᤛᤡᤱᤅᤡᤸᤗᤧ ᤜᤠᤖᤠ᤹ ᤛᤣᤛᤣᤔᤠᤱᤅᤡᤴ ᤔᤧᤄᤥ᤺ᤛᤢᤏᤡ ᤑᤠ᤹ᤀᤠᤱ ᤁᤴ ᤔᤢᤰᤛᤠᤶᤔᤡᤴ ᤕᤠᤵᤔᤡ ᤀᤠᤒᤡᤖᤧᤳᤇᤧ᤹ᤀᤥ॥”
20ᤁᤖ ᤐᤋᤪᤢᤛᤖᤧ ᤏᤥᤃᤵ ᤐᤡᤖᤢ. “ᤁᤧᤕᤠᤱᤅᤡᤴ ᤂᤧᤏᤧ᤹ᤏᤢᤀᤣ ᤔᤧᤰᤗᤖᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤷᤎᤠ᤺ᤶᤔᤡᤴ ᤕᤠᤱᤅᤡᤸᤗᤧ ᤀᤡᤱᤔᤠ ᤁᤧᤀᤡ᤺ᤳᤋᤢ᤹ᤖᤥ॥
ᤛᤣ᤺ᤰᤕᤢᤰᤔᤡᤒᤠᤜᤠ᤹ 8
ᤛᤣ᤺ᤰᤕᤢᤰᤔᤡᤒᤠᤜᤠ᤹ 8:14-20