Acts 8:18-23

¹⁸Avo Apostel na ingeni hamo ta tembeo Ahihi Otohu umbua avo Simon na kito koro na umbasi

¹⁹ke einge ena, “Eto ari avo nau degi ta ikevu eto na nau ingeni na embo ta hamo ta tembano Ahihi Otohu umbare” ainge enu

²⁰Peter na ke mine einge ena, “Umo God ta hande koro na umbasi hotembitea avo no koro ga sari ejo

²¹eto God ta titi ta no jo amo javotoho mane ra avo eto ari emo no mane asuja.

²²No ari sapura avo aja to ijie pari uroro eto no jo ta hotembari sapura avo God na hotembeto toasuja

²³eto no jo ngahia amo ari sapura na andirari avo ere kogona” ainge enu