Acts 21:30-40

³⁰Ma rava anatapui i nonori da au Tempol viḡaiḡaiawa i tupua ma anatapui kampa i ruba. Ma Paul i vojijini ma i taina-opunei au doa ma Tempol metaetana i gudui.

³¹Maranai taui Paul viraḡenana i kaukauei, Mai Rome sorodia ai bada ḡaeḡaena i nonori da viḡaiḡaiawa ḡaeḡaena i tupua au Tempol.

³²Tauna laḡilaḡina ana sorodia ma ai babada i vaini ma i ruba kampa, maranai rava taui i ʼnanai, Taui Paul vunuana i voterei.

³³Sorodia ai bada i nei Paul awarina da i vojijini ma ana sorodia ruaḡa i riwei da seinei Paul urana au urai i pani jijini. Anina ma tauna patara i vitara-virevirei i pa, “Wei aiai orotona? Aiwai i kauei?”

³⁴Patara au orana rava ḡelaui babani tagogi i gararei, ma rava ḡelaui babani tapuna i gararei. Rava were da nare i garagarara da sorodia ai bada menanare ita nelaḡai gaiawa karena aiwai, lamna aubaina ana sorodia i egari da Paul ita naiei, ai au bareki.

³⁵Maranai Paul bareki tetena i tutuḡereḡerei, patara i ḡaiawa guratana aubaina sorodia Paul i voepai da i avarai da ita gagaloei.

³⁶Patara amapo da taui i vovotaḡotaḡoi ma i garagarara i pa, “Ona viraḡeni, ona viraḡeni!”

³⁷Maranai taui aburuna ava da au bareki ita rui, Paul Greekei sorodia ai bada i riwei i pa, “Anina bo eḡa da awarim ata babani?” Ma tauna i auepai ma i riwa i pa, “Tam Greek u aramanei bo?

³⁸Tau a notai da tam Egyptei, rorova ai babada u viḡaviei, Ma rava 4,000 orai potapotai u opunei au mutulua, Tam nai ravana bo?”

³⁹Paul i paribelana i pa, “Eḡa! Tau Jew ei, au taon Tarsus a tupua, au Silisia provins, a vivibaḡaim da rava awari ana babani.”

⁴⁰Tauna i vianina ma Paul au tete i mairi. Tauna urana i voepai da patara garara i voterei. Maranai taui i genuana, Paul taui awarii ai ponanei i babani i pa.