ப்ரேரிதா​: 21:30-40

³⁰அதஏவ ஸர்வ்வஸ்மிந் நக³ரே கலஹோத்பந்நத்வாத் தா⁴வந்தோ லோகா ஆக³த்ய பௌலம்ʼ த்⁴ருʼத்வா மந்தி³ரஸ்ய ப³ஹிராக்ருʼஷ்யாநயந் தத்க்ஷணாத்³ த்³வாராணி ஸர்வ்வாணி ச ருத்³தா⁴நி|

³¹தேஷு தம்ʼ ஹந்துமுத்³யதேेஷு யிரூஸா²லம்நக³ரே மஹாநுபத்³ரவோ ஜாத இதி வார்த்தாயாம்ʼ ஸஹஸ்ரஸேநாபதே​: கர்ணகோ³சரீபூ⁴தாயாம்ʼ ஸத்யாம்ʼ ஸ தத்க்ஷணாத் ஸைந்யாநி ஸேநாபதிக³ணஞ்ச க்³ருʼஹீத்வா ஜவேநாக³தவாந்|

³²ததோ லோகா​: ஸேநாக³ணேந ஸஹ ஸஹஸ்ரஸேநாபதிம் ஆக³ச்ச²ந்தம்ʼ த்³ருʼஷ்ட்வா பௌலதாட³நாதோ ந்யவர்த்தந்த|

³³ஸ ஸஹஸ்ரஸேநாபதி​: ஸந்நிதா⁴வாக³ம்ய பௌலம்ʼ த்⁴ருʼத்வா ஸ்²ருʼங்க²லத்³வயேந ப³த்³த⁴ம் ஆதி³ஸ்²ய தாந் ப்ருʼஷ்டவாந் ஏஷ க​:? கிம்ʼ கர்ம்ம சாயம்ʼ க்ருʼதவாந்?

³⁴ததோ ஜநஸமூஹஸ்ய கஸ்²சித்³ ஏகப்ரகாரம்ʼ கஸ்²சித்³ அந்யப்ரகாரம்ʼ வாக்யம் அரௌத் ஸ தத்ர ஸத்யம்ʼ ஜ்ஞாதும் கலஹகாரணாத்³ அஸ²க்த​: ஸந் தம்ʼ து³ர்க³ம்ʼ நேதும் ஆஜ்ஞாபயத்|

³⁵தேஷு ஸோபாநஸ்யோபரி ப்ராப்தேஷு லோகாநாம்ʼ ஸாஹஸகாரணாத் ஸேநாக³ண​: பௌலமுத்தோல்ய நீதவாந்|

³⁶தத​: ஸர்வ்வே லோகா​: பஸ்²சாத்³கா³மிந​: ஸந்த ஏநம்ʼ து³ரீகுருதேதி வாக்யம் உச்சைரவத³ந்|

³⁷பௌலஸ்ய து³ர்கா³நயநஸமயே ஸ தஸ்மை ஸஹஸ்ரஸேநாபதயே கதி²தவாந், ப⁴வத​: புரஸ்தாத் கதா²ம்ʼ கத²யிதும்ʼ கிம் அநுமந்யதே? ஸ தமப்ருʼச்ச²த் த்வம்ʼ கிம்ʼ யூநாநீயாம்ʼ பா⁴ஷாம்ʼ ஜாநாஸி?

³⁸யோ மிஸரீயோ ஜந​: பூர்வ்வம்ʼ விரோத⁴ம்ʼ க்ருʼத்வா சத்வாரி ஸஹஸ்ராணி கா⁴தகாந் ஸங்கி³ந​: க்ருʼத்வா விபிநம்ʼ க³தவாந் த்வம்ʼ கிம்ʼ ஸஏவ ந ப⁴வஸி?

³⁹ததா³ பௌலோ(அ)கத²யத் அஹம்ʼ கிலிகியாதே³ஸ²ஸ்ய தார்ஷநக³ரீயோ யிஹூதீ³யோ, நாஹம்ʼ ஸாமாந்யநக³ரீயோ மாநவ​:; அதஏவ விநயே(அ)ஹம்ʼ லாகாநாம்ʼ ஸமக்ஷம்ʼ கதா²ம்ʼ கத²யிதும்ʼ மாமநுஜாநீஷ்வ|

⁴⁰தேநாநுஜ்ஞாத​: பௌல​: ஸோபாநோபரி திஷ்ட²ந் ஹஸ்தேநேங்கி³தம்ʼ க்ருʼதவாந், தஸ்மாத் ஸர்வ்வே ஸுஸ்தி²ரா அப⁴வந்| ததா³ பௌல இப்³ரீயபா⁴ஷயா கத²யிதும் ஆரப⁴த,