A Umana Kakailai 92:2-15

²Ba da vaarike kaum varmari na malana, Ma kaum dovot na mangamangana ta ra bungbung na marum par,

³Da ubu ra pagol, nina a vinun na vinau tana, Ma da ubu mal ra ngap.

⁴Tago u, Luluai, u tar vagagane iau ma kaum papalum; Ina ngenge ma ra gugu ure ra lavur papalum na limam.

⁵Luluai, i ngala kaum lavur papalum! A lavur nuknukim dia pidik na kaia.

⁶A koloata pa i nunure; Ma ra lunga pa i matoto tana.

⁷Ba ra umana tena varpiam dia lubalubang da ra vura, Ma ba ra lavur tena pait ra kaina dia pupu, I damana upi diat a virua tukum;

⁸Ma u, Luluai, u ti lia vatvatikai.

⁹Tago kaum lavur ebar, Luluai, Kaum lavur ebar diat a virua, Ma ra lavur tena pait ra kaina da kabu varbaiane diat.

¹⁰Ma ra ramugu i tar dekdek da ra ram u ra bulumakau i leing; Di tar tap iau ma ra kalamana dangi.

¹¹A matagu i tar gire ra bunura kadiat dia parau upi iau, A talingagu i valongore ra varvai ure ra vinirua kadiat dia tut upi diat a vakaina iau.

¹²A umana tena takodo diat a lubalubang da ra inaina lama, Diat a tavua da ra tagatagal aro Lebanon,

¹³Diat di ga vaume diat ta ra kuba i ra Luluai, Diat a lubalubang ta ra gunan kai kada God.

¹⁴Diat a vuavuai boko ba dia kua, Na tup ia kadia bulit ma ra mapmap i diat;

¹⁵Upi da nunure tana ba ra Luluai i dovot; Ia kaugu vat ki, ma pa ta mangamangana gegagege i ki pirana.