La Bu 92:2-15

²Jingkah le nami ngailut na longlousap phong a, nilhah le nakitah nasap phong hi thil pha ahi.

³Tumging jangsom to tho le semjang gin ngai tah to tho dia pha tah ahi.

⁴O Pakai nei bol peh thil loupitahhochun kalung lai atong kha in, natohdoh ho jehchun keiman kipala kasan ahi.

⁵O Pakai nanatohdoh hohi iti loupihitam! nalunggel ngaito ho jong itigil a gil jeng hitam.

⁶Mihem mai mai het jou hoiahipon, chih na a lhasam hon jonghedoh jou pouvin te.

⁷Migilou hochu hamhing banginkhangtou’untin, thilsebolhochu pungthei jong leu, tonsot asuhmanga umdiu ahi.

⁸Hinla Pakai, nangma vang, tonsota dopsang a naum jing ding ahi.

⁹Namel ma te jouse mangthah teidiu ahi; chule gitlou na bol jousesuh chat vai a um diu ahi.

¹⁰Nanginkeimahibongchalbangin neihatdoh sahtan, chulehnangin kipanan phatthei neiboh tanahi.

¹¹Kamit hin kagal mite lhuh amun; kana kol in jong eidou a migiloutegallel na thu ajai.

¹²Michonphate chu chahthingbangin khangtou untin, Lebannona Cedar thing banga hat tahkhangtoudiu ahi.

¹³Amahohi Pakai inn a kehdohthingphung likeh ahiuvin, Ipathen’uangsung a khangtouva ahiuve,

¹⁴Teh nung jeng a jong ga asonalai diu; chuleh phattin’a noujingleh hatjing diu ahi.

¹⁵Amahon aphon doh uva hitia hi asei diu ahi, “Pakai chu adih jingin! Amachu kasong pi ahi! Ama a chunset na aumpoi!”