A Umana Kakailai 89:19-26

¹⁹Ta nam ra e u ga tata pire kaum umana tena lotu ta ra ninana, Ma u ga biti: Iau tar tul tar ia tai tika na tena ongor upi na maramaravut; Iau tar vangala tika na rangrang kai ra tarai.

²⁰Iau tar tikan tadav David kaugu tultul, Iau tar ku ia ma kaugu varku i gomgom;

²¹A limagu na maramaravut ia; A limagu na vapadikat ia bula.

²²Ra ebar pa na ki taun ia, Ma ra tena varpiam pa na vakadik ia.

²³Ma ina rapue kana lavur ebar ta ra luaina matana, Ma ina ubu diat dia milikuane.

²⁴Ma kaugu dovot na mangamangana ma kaugu varmari, dital a varirivut me; Ma ra dekdekina na ngala ta ra iangigu.

²⁵Kana varkurai na tuk tar ta ra ta, Ma kana gunan na varkurai ta ra umana tava alir.

²⁶Na tatike piragu dari: U tamagu, Kaugu God, ma ra vat ki iau laun tana.