A Umana Kakailai 83:1-12

¹A kakailai kai Asap. God, koko una ki mut uka, Koko una paum bat ra ngiem, ma koko una ngo, God.

²Tago kaum umana ebar dia urung, Ma diat dia milikuane u dia tar vatur ra ulu i diat urama.

³Dia varpit ure kaum tarai, Ma dia tata guvai ure kaum tarai nina u mataure diat.

⁴Dia tar biti: Uti, dat a vakaina vue diat, upi koko diat a vuna tarai mulai; Upi koko da nuk uraure mule ra iang i Israel.

⁵Tago dia tar tata rangup, ma i kopono ko ra nuknuk i diat; Dia pait ra kunubu upi diat a tur bat u;

⁶Diat dia ki ra umana pal na mal, a tarai Edom ma ra tarai Ismael; Moab, ma ra tarai Agar;

⁷Gebal, ma Amon ma Amalek; Pilistia diat ma ra tarai Tiro;

⁸Asiria bula diat; Dia tar maravut ra tarai Lot. Sela.

⁹Boina ba una pait nam ra magit ta diat ba u ga pait ia tai Midian; Ma tai Sisera, ma tai Iabin, ta ra tava alir Kison;

¹⁰Nina dia ga virua aro En-Dor, Ma dia ga varogop ma ra puta i va ra pia ka.

¹¹Una kure vakaina kadia umana tadar na tutana da Oreb ma Seb, Maia, kadia umana rangrang par da Seba ma Salmuna;

¹²Diat dia tar biti dari: Boina dat a taun ra gunagunan kai God.