A Umana Kakailai 69:13-29

¹³Ma iau, Luluai, iau araring tadav u ta ra bo na e; God, ta kaum pepeal na varmari, Una torom tagu, tago i dovot kaum valavalaun.

¹⁴Una al vairop iau kan ra paipai ma koko ina dudu; Una valangalanga iau kan diat dia milikuane iau ma kan ra tava i lubu.

¹⁵Koko ra lovon na lubu taun iau, Ma koko ra marumian na konome iau, Ma koko ra tung na paum bat ra ngiene ba iau tar ki tana.

¹⁶God, una torom tagu, tago i boina kaum ngala na varmari; Una lingan upi iau varogop ma ra pepeal i kaum varmari.

¹⁷Ma koko una ive ra matam kan kaum tultul; Tago iau ki na malari; una torom lulut i tagu.

¹⁸Una maravai tadav ra tulungeagu, ma una valaun ia, Una kul valangalanga iau ure kaugu umana ebar.

¹⁹U tar nunure ra varvul piragu, ma kaugu vavirvir ma kaugu niruva; Kaugu umana ebar dia tur ta ra luaina matam.

²⁰A varvul i tar vatakunuan ra balagu, ma i tup iau ra niligur; Ma iau ga nuk upi ta umana ba dia mari iau, ma pata; Iau ga nuk upi ta umana tena varmaram, ma pa iau na tadav ta na.

²¹Dia tabar bula iau ma ra taring ba ra agu nian, Ma ba iau mar, dia vamomo iau ma ra tava mapak.

²²Kadia kadui ta ra luaina mata i diat na da ra kun, Maia, ma kadia kini na malmal na da ra palai.

²³A mata i diat na gavul upi koko diat a nana, Ma ra lu i diat na dadadar vatikai.

²⁴Una lolonge tar kaum kulot taun diat, Ma kaum kankan, a karangapuna, na vila mur tadav diat.

²⁵Kadia gunan na uliran, Koko ta tikai na ki ta kadia lavur pal na mal.

²⁶Tago dia vakaina nina ba u ga luba ia, Ma dia varvai ta ra kinadik kadiat u ga vakinkin diat.

²⁷Kadia varpiam na ngala vanavana, Ma koko diat a vatur vake kaum mangamangana takodo.

²⁸Da pun vue diat kan ra buk na nilaun, Ma koko da tumu diat i tana varurung ma ra umana tena takodo.

²⁹Ma iau, i monong iau ra kinadik, ma ra ngunungut; God, kaum valavalaun na vaki iau arama liu.