A Umana Kakailai 62:4-12

⁴Dia tar tata guvai upi diat a vabura vue ke kan kana bo na kini, Ma dia ga ta ra vaongo; Diat par dia tata na varvadoan ma ra ngie i diat, ma ta ra bala i diat dia tata kakaina. Sela.

⁵Tulungeagu, una ki pa God kakika, Tago tana iat na vana rikai ra magit iau ki nunur upi ia.

⁶Ia iat kaugu vat i ta ma kaugu varvalaun, Kaugu dekdek na pal na bakbakit, pa ina malmaliara.

⁷Kaugu varvalaun ma kaugu minamar i tur pire God; God ia ra vat i ta iau dekdek tana, ma kaugu rivarivan bula.

⁸Avat a tarai, avat a nurnur tana ta ra bungbung par. Avat a vaarike bulu ra magit ta ra bala i vavat ta ra luaina matana; God a rivarivan ure dat. Sela.

⁹A dovot, a tarai tuna dia da ra magit vakuku ka, Ma ra umana ngalangala dia da ra vaongo ko; Ta ra valavalar na mamat dia papa ka, Dia da ra magit vakuku tuna.

¹⁰Koko una nurnur ta ra arung varbat, Ma koko na kolakolo ra nuknukim ure ra nilong; Ba i tavua ra tabarikik, koko avat a nurnur tana.

¹¹A kopono pakana God i tar tata; Ma a ivu pakana iau tar valongore go; Ba kai God ra niongor,

¹²Ma ba kaum, Luluai, ra varmari; Tago u bali ra mangamangana kai ra tarai par tikatikai.