A Umana Kakailai 59:1-4

¹Kai nina i lue ra kakailai; a Miktam kai David, ba Saul i ga vartuluai ma di ga kiki uai ta ra kubana upi da doka. Kaugu God, una valangalanga iau kan kaugu lavur ebar, Una vabakite iau arama kan diat dia tut na vinarubu ure iau.

²Una valangalanga iau kan ra umana tena pait ra kaina, Ma una valaun iau kan ra umana lup vardodoko.

³Tago dia kiki uai upi kaugu nilaun; A umana ngalangala dia vana varurung upi iau; Vakir ure kaugu varpiam, vakir ure kaugu nirara, Luluai.

⁴Dia vutvut ma dia vaninara ma vakir iau ra vuna; Una tavangun, ma una totongo upi iau, ma una gire.