A Umana Kakailai 44:15-26

¹⁵A bungbung par i tup iau ra niruva, Ma ra vavirvir i turup ra matagu.

¹⁶Ure ra tinata kai ra tena varkulumai ma ra tena varvul, Ma ure ra ebar ma ra tena varobo.

¹⁷Go ra lavur magit i tadav avet; Ma pa ave valubane u, Ma pa ave rara kan kaum kunubu.

¹⁸A bala i vevet pa i vana tapuku, Ma pa ave vana kan kaum nga,

¹⁹Upi una kita ngidangide avet ma avet a da ra uliran na gunan, Ma upi una vamalur avet ma ra malur na minat.

²⁰Ari da ga valubane ra iang i kada God, Ba ona da ga tulue vaarike ra lima i dat upi ta enana god,

²¹God pa na tikan tadav ia bar? Tago i nunure ra lavur magit i pidik ta ra nuknuk i dat.

²²Maia, di ubu doko avet a bungbung par ure u, Di nuk varogopane avet ma ra umana sip da ure ra vardodoko.

²³Luluai, una tut, ta ra ava u va mat ika? Una tut, koko una vung vue vatikene avet.

²⁴Ta ra ava u ive ra matam, Ma u nuk vue kaveve kinadik ma kaveve kaina kini?

²⁵Tago ave va palar ta ra tobon, A bala i vevet i ki petep ta ra pia.

²⁶Una tut upi una maravut avet, Ma una valaun avet ure kaum varmari.