A Umana Kakailai 37:1-8

¹Kai David. Koko u ngarangarao ure ra umana tena varpiam, Ma koko u varngu ure diat dia pait ra mangamangana gegagege.

²Tago i maravai ba da raut kutu vue diat da ra vura, Ma diat a makuk boko da ra davai i lubalubang.

³Una nurnur tai ra Luluai, ma una pait ra boina ka; Una kiki ta ra gunan ma una mur ra dovotina.

⁴Una gugu bula tai ra Luluai; Ma na tul tar ra magit tam u lul upi ia.

⁵Una nur tar kaum lavur vinavana tai ra Luluai; Una nurnur tana, ma ia iat na mal ot pa ia.

⁶Ma ia iat na vaarike bula ra takodo na maukuam da ra kapa, Ma damana bula ra takodo na varkurai ure u da ra keake.

⁷Una ngo tai ra Luluai, ma una kiki pa ia, Koko u ngarangarao ure nina ba i tavua kana lavur papalum, Ma ure ra tutana ba i pait ot pa kana lavur kaina nuknuk.

⁸Koko una kankan, ma una ngo kan ra kulot; Koko u ngarangarao, tago i papait na vuna ta ra mangamangana i rara.