A Umana Kakailai 31:12-20

¹²Di tar valubane iau, da ra tutana i mat iau tar panie kan ra nuknuk i diat; Iau da ra la i tapamar.

¹³Tago iau tar valongore ra varvul mangoro dia varvul me; A ururian i tur kikil iau ta ra lavur papar. Ba dia varpit ure iau, Dia nuk tadav ta mangamangana ba ina virua tana.

¹⁴Ma ga iau, iau nurnur uka tam, Luluai; Iau ga biti dari: U kaugu God.

¹⁵U kure kaugu kini; Una valaun iau kan ra lima i kaugu umana ebar ma kan diat dia vakaina iau.

¹⁶Boina ba ra matam na pupua taun kaum tultul; Una valaun iau ta kaum varmari.

¹⁷Luluai, koko ina vavirvir, tago iau tar kail u; Boina ba ra umana tena varpiam diat a vavirvir, Ma diat a ki mut ta ra ruarua na tulungen.

¹⁸Boina ba ra umana tena vaongo diat a bombom, Nina dia nguk ma ra tinata ure ra tena takodo, I kolakolo ra nuknuk i diat ma dia milmilikuan bula.

¹⁹I ti ngala mat kaum varmari, nina u vung vake pi kadiat dia ru u, Nina u pait ia ta diat dia nurnur tam Ta ra luaina mata i ra tarai!

²⁰Una ga ive diat ta ra rivarivan ta ra luaina matam kan ra varpit kai ra tarai; Una ga vabakite diat ta ra pal na mal kan ra tinata na vartoto.