A Umana Kakailai 27:4-12

⁴A kopono magit iau tar lul ra Luluai upi ia, nam muka ina anan upi ia; Ba ina ki ta ra kuba i ra Luluai ta ra lavur bungbung par ina laun tana, Upi ina gire ra minamar i ra Luluai, ma upi ina varvartir ta kana pal i gomgom.

⁵Tago ta ra bung na purpuruan ra Luluai na balaure ive vake iau ta kana pal na mal; Na vabakite iau ta ra rivarivan na kubana; Na puak tar iau ta ra ul a vat i ta.

⁶Ma go ra ulugu na tur arama liu ta kaugu umana ebar dia tur kikil iau; Ma ina tul tar ra vartabar na gugu ta ra kubana; Ina kakailai, maia pa, ina kakailai na pite varpa tadav ra Luluai.

⁷Luluai, una valongore ba iau kakail ma ra nilaigu; Una mari iau bula, ma una torom tagu.

⁸U ga biti: Avat a tikan upi ra matagu. A balagu i tar biti tam: Ina tikatikan upi ra matam, Luluai.

⁹Koko u ive ra matam kan iau; Koko una kankanuane vue kaum tultul; Lua u ga maravut iau. Koko una okole vue iau, ma koko una vana balakane iau, U God kaugu tena valaun.

¹⁰Tago tamagu ma nagu dir tar vana balakane iau, Ma ra Luluai na vamel iau.

¹¹Una tovo tar kaum nga tagu, Luluai; Ma una ben pa iau ta ra nga i kapa, Ure kaugu umana ebar.

¹²Koko una tul tar iau ta ra mamainga kai kaugu umana ebar; Tago ra umana tena varvai vavaongo dia tar tut ure iau, Ma ta umana dia vatavatang ra kaina magit.