A Umana Kakailai 149:4-9

⁴Tago ra Luluai i gugu ta kana tarai; Na mar diat i madu ra bala i diat ma ra niuvia.

⁵Boina ba ra umana tena lotu diat a ga tuna ta ra minamar; Boina ba diat a manga kakailai ona dia va ta kadia vava.

⁶A pite varpa tuna na arikai ta ra ngie i diat, Ma ra pakat na vinarubu ba i mangi vartalai na tur ta ra lima i diat;

⁷Upi diat a pait ra varobo ta ra umana Tematana, Ma ra balbali ta ra lavur vuna tarai;

⁸Upi diat a vi kadia umana king ma ra umana vinau na palariam, Ma kadia lavur luluai ma ra vivi na palariam;

⁹Upi diat a pait ra varkurai ta diat, nina di ga tumu vake; Kana umana tena lotu diat a vatur vake ra variru tana. Avat a pite pa ra Luluai.