Miti Mânec 149:4-9

⁴Wofuŋ e ŋicfâcne mana‐jareme biaŋkekac, ere maio rumerâ juŋgopieŋ jaŋe sasanaŋzi eric‐jopakac.

⁵Mitihec jaŋe ʒeri ehuc kiwaeniŋ, fofo‐jeŋicko fohuc mumuteŋ gae heniŋ.

⁶Micjeŋicko Anuture mumumbiaŋzi fooc, â mejeŋiczi sâqe bune râpene mictara i baniŋ.

⁷Ehame ŋicne ŋicne jaŋerao kiŋ babatara, â ŋic gurune gurune jaŋerao okac babazu fuazejec.

⁸Â ŋicwofuŋfâc‐jeŋic kâpâcwâru bacjopazo, fekicnefâc‐jeŋic aeŋzi basanaŋ‐jopazo.

⁹Jaŋerao mumutara dâŋ qanaŋ qâreŋkekicne irec fârine bâfuazo. Izi mitiŋicfâcne sasawa jaŋere eri qoqonaŋ eocmu. Wofuŋ muteŋkeniŋ!