A Umana Kakailai 119:101-110

¹⁰¹Iau tigal bat ra kaugu ta ra lavur kaina nga par, Upi ina torom ta kaum tinata.

¹⁰²Pa iau vana kan kaum lavur varkurai Tago u tar tovo iau.

¹⁰³Kaum lavur tinata dia kalakalami tuna piragu! Maia, dia manga kalami ta ra ngiegu, ma ra polo na livur pata.

¹⁰⁴Kaum lavur vartuluai dia vaminana iau; Kari iau milmilikuane ra lavur kaina nga par.

¹⁰⁵Kaum tinata ia ra lamp ure ra kaugu, Ma i da ra kapa ure kaugu nga.

¹⁰⁶Iau tar vavalima, ma ina pait ot pa ia bula, Ba ina torom ta kaum lavur takodo na varkurai.

¹⁰⁷I tup iau tuna, Una valagar pa iau, Luluai, vardada ma kaum tinata.

¹⁰⁸Luluai, iau lul u ba una alube pa kaugu vartabar na pite varpa, Ma una tovo tar kaum lavur varkurai tagu.

¹⁰⁹Iau to na virua ra bungbung par; Ma pa iau valubane kaum tinata na vartovo.

¹¹⁰A umana tena varpiam dia kapi kun ure iau, Ma pa iau vana rara kan kaum lavur vartuluai.