1 Lengte 3:1-28

¹Solomon in Egypt Lengpa Pharaoh toh kinoptona khat anei lhon in a chanu holah a khat a kichen pi’n ahi. Ama inlah Leng inpi, Pakai hou in asah chai loulai jeh leh Jerusalem kimvel pal aki get chai loulai jeh in ajinu chu David khopia apui lut in a chenpi’n ahi.

²Hiche pet chun Pakai min dopsang na ding’a houin a kisah chai loulai jeh in, Israel mipi ten ama ama muncheh ah pumgo thilto aki sem un ahi.

³Solomon in Pakai a ngailun chule apa David thupeh ho jouse chu ajui sohkei jin ahi, chujongleh ama jengin jong pumgo thilto kilhaina ahin gim namtui halnam na ahin ama deina lailai mun ah ana bol jin ahi.

⁴Hitobang’a Pathen houna mun thupi pen chu Gibeon ahi, hiche ahin achen pumgo thilto Sangkhat jen in kilhaina aga sem in ahi.

⁵Hiche jan chun Pakai chu

⁶Solomon in a donbut in, “Nangin na sohpa kapa David kitah tahin na ngailun ahi, ajeh chu amannangma lungtheng tahle thudih tahin, chuleh kitahna neitah in nanajui jing in ahi. Chuleh nang in a Laltouna lo theiding chapa khatnapen ki tahtah in nana ngailu’n ahi.

⁷Hijeh chun, “O Pakai ka Pathenkapa David khel in Leng neichansah tan ahi, ahinla keima hii-macha helou chapang cha kahibouvin ahi.

⁸Hiti hin keima hi nami lhen tumnam lentah le sim joulou mitamtahte lah a ka um in ahi.

⁹Hijeh chun hi tobang nam mitechung’a hi ka vaihom jouna dingleh thil adih leh adih lou ka hetkhenthem theina dingin lungthim chihnaneipen. Ajeh chu koiham amachanga hiche mipite hijat lah’a hivaihom jou ding ah!” ati.

¹⁰Pakai chu Solomon in chihnaathum chu a kipapi lheh in ahi.

¹¹Hijeh chun, Pathen in adonbutin, “Na gal mite thigam na ding le, haona ding ahi louleh hinkho sotnading thum louva ka mite chung’athu dihtah a navai hopna ding’alungthim chihna na thum jeh in,

¹²Keiman nathum chu nape ingkatin, hetthem theina lungthim lehkoimacha dang in ana neikhah loukho nung jong leh ahin nei khah louding chihna kapeh ding nahi.

¹³Chuleh nang in na thum loubehhaona leh minthan na jong ka pehding nahi! Hitia chu Leiset chung’a hi na hinkho lhumkei ja Leng dang koimacha toh tekah pithei nahi louding ahi,” ati.

¹⁴Chuleh napa David bang’a ka Danthu leh ka Thupeh ho nanit’a najui bukim soh leh hinkho sotna jongka peh ding nahi,” ati.

¹⁵Hichun Solomon ahung thou inahileh amang ahi ahin hedoh in ahi. Hichun ama Jerusalem ah akilen Pakai Kitepna Thingkong masangachun adingin pumgo thilto holehchamna thilto kilhaina asem in chuleh ama ding’a panmun neiho jousea koukhom in ankong loupitahasem in ahi.

¹⁶Chomkhat jouvin numei kijoh ni Lengpa kom ah aboina thu lhon atanpeh dingin ahung lhon in ahi.

¹⁷Khat joh nu chun, “Nei lungsetin kapu hiche nu hitoh inkhat nakachen khom lhon ahin, ama tohinkhatna ka umkhom lhon pet inkeiman cha khat ka hing in ahi.

¹⁸Nithum jouvin hichenu jong hinchakhat ahing in ahi. Hiche inna hikoimacha dang umlou, keini changbou ka um lhon ahi.

¹⁹Ahin jan in amanu chun achachu ana del lih tan ahi.

²⁰Hijou chun ama jan in a thoudoh in keima ka-ihmut pet in kapanga lum ka chapa chu ana kipomdoh in, ama cha athisa chu keimaanga ana koijin kei cha chu ana kidop dohin alup pi tan ahi.

²¹Jingkah lang in ka cha chu naoan kavah kigot leh athisa ana hitai! Ahin keiman jingkah lam khovah a kagah vetchil’a ahileh hichu kachapa ana hi tapoi,” ati.

²²Hichun numei khat nu chun ahinpal tan in, “Hiche nangma cha ahinahing joh chu keicha ahi!” atileh, numei amasa nu chun ahi poi, ahing joh chu kei cha ahin, athi chunang’a joh ahi,” ati peh in, hiti hin Lengpa masanga chun achuti kinellhon tan ahi.

²³Hichun Lengpan, “Aphai atahchu ve’u hite, na ni lhon in naosenahing joh chu keiya ahi nati lhon in, athi achu ama a joh ahi nati lhon’e.

²⁴Aphai chemjam hin choi un,” ati. Hichun amahon chemjam chu Lengpa kom ah ahin choi tauve.

²⁵Hichun aman asei tai, “Naosenahing joh chu bohni souvin lang anilhon chun hoppeh tauvin!” ati.

²⁶Hichun, numei naosen ahing johanu mong mong nu chun, Naosenchu a-it behseh in ahung peng jahtai, “Oh Lengpa Kapu chuti pontethat hihin, chapang chu amanu johpe tauvin,” ahin titai. Ahin khatnuchun ahin seijin, “Aphai, nanglachang lou keila changlou kanihonin nei hop peh tauvin!” ati.

²⁷Hichun Lengpan ahin seijin, “Naosen chu that hih un, ahin dingdeinu chu pe tauvin ama chu anutah tah ahi!” ati.

²⁸Israel mipiten lengpa thutanchu ajah doh phat un, Lengpa chua kicha tauve, ajeh chu Pathen inthudih tah a thutan thei dinga chihnaapeh ahi ti amudoh tauvin ahi.