1 Lengte 20:23-29

²³Agal-lal jou nung in, agal lamkaihon Benhadad jah’a, “Israelte Pathen hi thinglhang gam Pathenahiuve, hijeh achu thinglhangaeijo’u ahi. Phaicham a kisatpileuhen bailamtah a gal ijo jeng diuahi,” atiuve.

²⁴“Hiche chung’a abou hin leng hoathunei nauva konin haisah in lang, akhel in sepai lamkai ho pansah in,” atiuve.

²⁵“Sepai alhasam jat hi subulhingkit’in, sepaite sakol leh kangtalaite atil ajat maman subulhingkit in, chuteng leh phaicham ahkisatpi leu veng kajo tei diu ahi,” atiuve. Hitichun Benhadad in jongangaichat bang’un abolpeh soh tanahi.

²⁶A kumkit chavang lai ahiphatin, Syria sepaite asemtoh sohkeiyin Israelte kisatpi dingin tuchung hin Aphek lang ajon tauvin ahi.

²⁷Isrtaelte jongaki semtohun, neh leh chah jong hoitah’inakigon toh’un, galsat dingin ahungkitol tauve in ahi. Ahinlah Israelsepaite alhomdan uchu, kelcha honlhomcha ni kijotna toh abang un ahi. Syria sepaite vang chu gamsungpumpi adim lha jeng un ahi.

²⁸Hichun Pathen mipa chun Israellengpa kom’ah achen, “Pakaiyinhiti hin aseiye, Syria sepaiten hitihin aseiyun ahi, a Pakai’u khuthinglhang Pathen ahin, phaicham Pathen ahipoi. Hijeh chun hichesepai tamtah tehi kajopeh diu ahi, chutengleh nang hon Pakai kahichu nei het doh dio ahi,” ati.

²⁹Hiche galmi teni hin nisagisungin kimai ngat ton ngahmunakisem’un, anaum un ahi. Ni sagilhin nin akisat to pan tauvin ahi. Israelten nikhat sungin Syriate lengsepai hochu sang jakhat anathat’un ahi.