1Hagi nafuhegatane nensarogata avamu'mofo muse zanku'ma hu'naza zamofonku eriama hu'na tmasami'za hue.
2Tamagra ko'ma kaza osu havige anumzante'ma mni'naza no mani'zantmia antahi'naze. Ke osu anumza antre'za tro hunte'naza zamo tmavazu higetma, avaririta fanane hukante vu'naze.
3E'ina hu'negu nagra anage hu'na antahintahima eriama hanugura neramasamue, magore huno Anumzamofo Avamu'ma agu'afima mni'ne'nia vahe'mo'a Jisasina huhaviza huontegahie. Hagi mago'mo'e huno Jisasi'a Ra mni'ne huno osugahianagi, Ruotge Avamu'mo aza hanigenoke'za hugahie.
4Hagi hakare'a ruzahu ruzahu museza me'neanagi, magoke Avamu'moke'za neramie.
5Ruzahu ruzahu mono eri'za me'neanagi, Ramo'a magoke mani'ne.
6Hagi ruzahu ruzahu kankamumpinti eri'zana e'nerianagi, magoke Anumzamo hakare zampine, mika vahepina e'nerie.
7Hu'neanagi Avamu'mofo eri'zamo'a magoke magoke'mofonte, mikomofo so'eza efore hanigu ko tami'ne.
8Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,
9mago'mofona amentinti hu'za nemino, mago'mofona vahe'ma azeri knamre museza ami'ne. Hianagi magoke Avamu'mo zanami'ne.
10Hagi mago'mofona ruzahu ruzahu kaguvaza eri fore hu museza nemino, mago'mofona kasnampa ke huamahu museza nemino, mago'mofona avamutmima rezagneno ke museza nemino, mago'mofona ruzahu ruzahu zmegeru'ma ru museza nemino, hagi mago'mofona ruzahu ruzahu zmageru'ma rukrehe hu museza ami'ne.
11Hianagi magoke ana Avamu'moke, mika'a eri'zana erifore nehie. Hagi agra'a avesite magoke magoke'mofona nazano aminaku'ma hia musezana refko huno nemie.
12Anahukna huno vahe'mofona magoke avufa me'neanagi, ru avufgamo ru avufgamo rekanuhegeno, magoke vahera fore huno mni'ne. Kraisi'a anahukna hu'ne.
13Na'ankure mago'amota Jiu vahe manunkeno, mago'amota Griki vahe mni'none. Mago'amota kazokzo eri'za vahe manunkeno, mago'amota amne vahe mni'none. Hianagi tagra magoke Avamupi tina freta, magoke avufafi mni'none. Ana higeta ana miko'mota magoke Avamupinti tazahu'zana e'nerune.
14Hagi magoke tavufa me'neanagi, ru tavufa ru tavufamo rekanuhegeno tavufa fore hu'ne.
15Hagi agamo huno, nagra azana omni'noanki'na, mago avufa omni'noe haniana, e'i ana kema haniazamo'a, avufafintira azeri otregahie.
16Hagi agesamo huno, nagra avurga omninoanki'na, mago avufa omni'noe haniana, e'i ana kema haniazamo'a, avufafintira azeri otregahie.
17Hianagi mika avufamo'ma avurgage'za mesigeno'a, inafinti kea antahigahie? Hianagi mika avufamo agesage mesigeno'a, inafinti mna antahigahie?
18Ana hu'negu tamage Anumzamo'a, magoke magoke tavufa eri mago huno ante'neankino, Anumzamo agra'a avesite mesie huno hire mete mete hu'ne.
19Hu'neanagi mika avufamo magoke avufgage'ma mesiana, avufamo'a inankna huno mesine?
20Ana hu'negu hakare avufgamo eme rekanuhegeno, magoke avufa fore huno me'ne.
21Hagi avurgamo'a azamofonkura huno, kagrama nazama hu'zankura antahi nonkamue huno osugahie. Ananzanke huno asenimo'a agamofonkura huno, kagrama nazama huzankura, nagra antahi nogamue huno osugahie.
22Hianagi mago'a tavufamokizmia hanave zmi omne'ne huta huna zmufamo'za, ra eri'za e'nerize.
23Hagi tagrama knare osu'ne huta huna tavufamofona knare'za hunenteta, hagi tageze tavufe huta huna tavufamofona kukena huzmanteta refi'netone.
24Knare'ma huno amate me'nea tavufamo'za mago'zankura upara nosaze. Ana nehunanagi, Anumzamo'a ana miko tavufa eri magoke higeno, tavufamofona eri magoke huno knare osu tavufamo'za knare'za nehaze.
25E'ina hanigeno avufamo'a atne'za amu'nozmifina omnegahie. Hagi anahukna huno amu'no zmifina oza aza huno mani'za megahie.
26Hagi mago kaziga avufamo ata hozama eri sigeno'a, mika'mo'za ana atazana erigahaze. Hagi mago kaziga'a avufamo ra agima erinkeno'a, ana miko avufamo'za muse hugahaze.
27Menina tamagra Kraisi avufa mni'naze. Hagi magoke magoke'mota, mago avufga'a manite manite hu'naze.
28Hagi, mono eri'za erisagu Anumzamo huhamprizmante'nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo'a kaguvazama hu vahe zmazeri otino, mago'amokizmia vahe'ma krifintima zmazeri kanamre muse'za nezamino, mago'amokizmia vahe'ma zamaza hu muse'za nezamino, mago'amokizmia kva eri'za eri muse'za nezamino, mago'amokizmia ruzahu ruzahu ageru ru muse'za zami'ne.
29Mika'mo'za aposol nagake mani'nazafi? Mika'mo'za kasanampa vaheke mani'nazafi? Mika'mo'za rempi huzami vaheke mani'nazafi? Mika'mo'za kaguvaza hu vaheke mani'nazafi?
30Mika'mo'za vahe'ma zmazeri knamre museza eri vaheke mani'nazafi? Mika'mo'za ruzahu, ruzahu zmageru, ru vaheke mani'nazafi? Mika'mo'za zmageru rekrehehu vaheke mani'nazafi? I'o anara osugahaze.
31Hu'neanagi tamagu'areti huta agetere'nea muse zankura tmavesinteho. Nagra mago knare'zantfa huno mreri'nea kana tamaveri hugahue.
